Brunaþing 2026 verður haldið föstudaginn 29. maí á Hótel Reykjavík Natura – Berjaya Iceland Hotels, Nauthólsvegi 52.
Málefni þingsins að þessu sinni er aðkoma slökkviliðs, landslagshönnun og samspil öryggisþátta og gæða útisvæða. Á þinginu verða erindi frá fjölbreyttum hópi sérfræðinga bæði hérlendra og erlendra landslagsarkitekta, fulltrúa Slökkviliðs Höfuðborgarsvæðisins og brunaverkfræðings.
Þingið mun standa yfir frá 9:00 – 12:00 og verður streymt á Teams. Nánari dagskrá verður birt þegar nær dregur þinginu.
Aðalfundur Brunatæknifélagsins verður haldinn í framhaldi af þinginu. Á dagskrá eru hefðbundin aðalfundarstörf. Hádegisverður er fyrir félagsmenn í boði BTÍ.