Næsti fundur Brunatæknifélagins verður haldinn miðvikudaginn 28. janúar á Hótel Reykjavík Natura.

Á fundinum verður fjallað um útfærslu brunavarna með Promat eldvarnarplötum. Linas Krisciunas, verkefnastjóri hjá Promat, heldur erindi með sérstaka áherslu á notkun Promat platna í loftræsi- og reykræsilausnum, þar með talið loftræsilausnir frá iðnaðareldhúsum. Jafnframt verður fjallað um brunavarnir timbur- og stálburðarvirkja með Promat plötum. 

Fundurinn hefst kl. 9:00 á Hótel Reykjavík Natura, Nauthólsvegi 52 í Reykjavík. Áætlað er að fundinum ljúki kl. 10:00. Fundinum verður jafnframt streymt á Teams, hlekkur verður sendur út fyrir fundinn. 

Kaffi og kleinur í boði Promat og Redder ehf. 

Stjórn Brunatæknifélagsins.

Brunatæknifélagið efnir til fundar um bruna í rafbílum og rafmagnshjólum þann 4. desember næstkomandi. 

Fundurinn fer fram á slökkvistöðinni á Selfossi, Árvegi 1. 800 Selfoss. 

Á fundinum munu Eyjólfur Óli Jónsson, varðstjóri BÁ og Jón Þór Jóhannsson varðstjóri og eldvarnaeftilitsmaður hjá BÁ fjalla um bruna í Tesla bifreið og rafhjólum ásamt því að fjalla um aðferðarfræði slökkviliða við bruna í rafbílum.

Fundurinn hefst kl. 10:00 og áætlað er að honum ljúki 11:00 eða fyrr.

Kaffi og með því í boði BTÍ.

Fundinum verður streymt á Teams, hlekkur verður sendur út á félagsmenn fyrir fundinn. 

Í framhaldi af umræðum á aðalfundi BTÍ þann 16. maí síðastliðinn var boðað til auka-aðalfundar þann 8. október síðastliðinn til að ræða annarsvegar lagabreytingar félagsins og hinsvegar ályktun um löggildinu brunahönnuða.

Lagabreytingar sneru að inngöngu Brunatæknifélagsins í SFPE og jafnframt aðlögun á lögum m.t.t. krafna sem gerðar eru til samþykkta félagasamtaka. Lagabreytingar voru samþykkar einróma, nýju lögin hafa verið birt á heimasíðu BTÍ á slóðinni www.bti.is/log-bti.

Ályktun um löggildingu brunahönnuða var kynnt og samþykkt einróma af fundarmönnum. Rætt var að félögum BTÍ yrðu kynnt endanleg gögn sem send verða ráðherra. Ályktunina má lesa hér fyrir neðan.

Auka aðalfundur Brunatæknifélags Íslands, sem haldinn var í Síðumúla 1 í Reykjavík, skorar á félags- og húsnæðismálaráðherra að tryggja að brunahönnun mannvirkja verði sér svið í löggildingu hönnuða líkt og í nágrannalöndum okkar, þar sem það varðar öryggi fólks. Í dag eru fimm svið hönnunar þar sem krafist er löggildingar en ekkert þeirra inniheldur í raun hönnun á brunaöryggi mannvirkja. Á undanförnum árum, sér í lagi eftir 2012, hefur vægi hönnunar á brunavörnum og eftirfylgni brunavarna aukist umtalsvert. Krafist er trygginga líkt og um löggilt svið væri að ræða og að aðaluppdrættir séu undirritaðir af hönnuði brunavarna án þess að neinar lagalegar kröfur liggi til grundvallar. Brunaverkfræði er sér faggrein sem kennd hefur verið í mörgum stærri háskólum undanfarna áratugi. Framkvæmdaaðilar stærri og flóknari mannvirkja gera kröfur um að þeir sem annist hönnun brunavarna hafi sérþekkingu á faginu og viðeigandi menntun.

Fundurinn segir að virða þurfi mikilvægi brunavarna í mannvirkjum í samræmi við þarfir samfélagsins og þá þróun sem orðið hefur hér á landi og í þeim löndum sem við berum okkur saman við. Löggilding ætti að stuðla að auknum gæðum hönnunar og þeirra gagna sem krafist er í byggingarreglugerð að skilað sé inn þegar sótt er um byggingarleyfi. Í dag er ekki unnt að svipta hönnuð brunavarna löggildingu né vera með formlegt eftirlit auk þess sem kröfur til gæðakerfa ná einungis yfir fagsvið innan löggildingar.

Fundurinn felur brunaverkfræðingunum Davíð S. Snorrasyni hjá ÖRUGG, Guðna Inga Pálssyni hjá COWI og Sveinbjörgu Söru Baldursdóttur hjá EFLU að útfæra tillögurnar frekar og skrifa bréf til ráðherra þar sem farið verður fram á löggildingu fyrir brunahönnun mannvirkja.

Auka aðalfundur Brunatæknifélags Íslands 8. október 2025, Reykjavík.

Í framhaldi af aðalfundi BTÍ þann 16. maí síðastliðinn er boðað til auka-aðalfundar þann 8. október næstkomandi. Fundurinn fer fram kl. 13:00. Fundarstaður er Salur Garðyrkjufélags Íslands Síðumúla 1 (gengið inn frá Ármúla).

Dagskrá verður eftirfarandi:

1. Kynning á lagabreytingum félagsins m.a. vegna inngöngu BTÍ í SFPE. Lögin lögð fram til samþykktar.
2. Ályktun um löggildingu brunahönnuða
3. Önnur mál

Kaffi og með því í boði BTÍ.

Lagabreytingatillaga hefur verið birt á heimasíðu BTÍ á slóðinni: 

www.bti.is/log-bti

Brunaþing 2025 verður haldið föstudaginn 16. maí á Hótel Reykjavík Natura – Berjaya Iceland Hotels, Nauthólsvegi 52.

Málefni þingsins að þessu sinni verða sólarrafhlöður á byggingum og rafhlöðubankar. Á þinginu verða erindi frá fjölbreyttum hópi sérfræðinga bæði hérlendra og erlendra.

Dagskrá verður eftirfarandi:

8:30 Setning og skipun þingstjóra. Atli Rútur Þorsteinsson, formaður stjórnar Brunatæknifélags Íslands.

8:40 – 9:10 Nik Rus, mag. inž. teh. Var., ZAG – Slovenian National Building and Civil Engineering Institute. Fire Safety of Buildings with Rooftop PV systems.

9:10 – 9:40 Guðjón Hugberg Björnsson. Tæknistjóri hjá Orku Náttúrunnar. Birta Bæjarhálsi.

9:40 – 10:10 Elvar Ingi Jóhannesson, verkfræðingur hjá ÖRUGG verkfræðistofu. ÖRUGG nálgun – brunatæknileg hönnun rafhlöðuklasa og sólarrafhlöðukerfa.

10:10 – 10:30 Kaffihlé

10:30 – 11:10 Sondre Zakariassen, Fire Engineer – Storebrand Insurance. Fire Risk in Solar Panel Systems – What Do We Need to Know?

11:10 – 11:40 Amanda Tarbet, Sr. Program Manager SFPE Foundation. SFPE Foundation’s work related to PV systems and battery storage.

11:40 Pallborðsumræður og spurningar.

12:00 Brunaþingi slitið.

Brunaþing 2025 er í boði eftirtalinna styrktaraðila.

Brunatæknifélag Íslands efnir til morgunverðarfundar

– fimmtudaginn 28. nóvember 2013 kl. 8:00

– á Icelandair Hotel Reykjavik Natura – Víkingasal 5.

Fundarefnið verður:

Bruni í skipum – Frásögn af reynslu SHS við brunann í Fernöndu þann 1. nóvember 2013

Skipsbrunar hafa verið óvenjulega tíðir á árinu 2013. Þess vegna er við hæfi að fjalla aðeins um þá.

Dagskrá fundarins:

• Jón Viðar Matthíasson slökkviliðsstjóri mun fjalla um aðgerðir SHS þegar skipið Fernanda var dregið til hafnar í Hafnarfirði og baráttuna við eldinn í því.
• Umræður og fyrirspurnum svarað.

Reiknað er með að fundinum ljúki um kl. 10:00.

Fundarstjóri er Kristján Vilhelm Rúriksson formaður BTÍ.

Enginn aðgangseyrir er að fundinum, en ætlast er til að fundargestir kaupi sér morgunverð af morgunverðarhlaðborði hótelsins.

Stjórn Brunatæknifélags Íslands.

(Ljósmynd af vef mbl.is, Júlíus Sigurjónsson)

Fyrir hönd stjórnar BTÍ þá vil ég fara stuttlega yfir starf BTÍ á þessu starfsári og kynna það sem er framundan hjá BTÍ.

Í haust kom stjórn BTÍ saman og skipti með sér verkum. Er hún skipuð eftirfarandi aðilum:

Árni Árnason, gjaldkeri

Ástvaldur Eiríksson, meðstjórnandi

Kristján Vilhelm Rúriksson, formaður

Óskar Þorsteinsson, meðstjórnandi

Pétur Pétursson, ritari

Stjórnin hefur staðið fyrir 3 atburðum sem eru:

Skoðunar- og fræðsluferð til Hveragerðis í október til að skoða Hamarshöllina sem hefur þá sérstöðu að uppblásið hús með burðarvirki úr lofti. Ferðin var vel heppnuð og var gaman að hlusta á kynningu um húsið sem og að skoða það.

Í nóvember var síðan morgunverðarfundur um skipsbruna en þar kom Jón Viðar Matthíasson, slökkviliðsstjóri hjá SHS, og kynnti slökkvistarf og annað því tengdu þegar slökkviliðsmenn SHS tóku þátt í slökkistarfi á skipinu Fernöndu. Var sá fundur vel sóttur enda umræðuefnið mjög áhugavert vegna tíðra skipsbruna á síðasta ári

Í byrjun janúar var morgunverðarfundur með fyrirlesurum frá Viking Sprinkler í Evrópu þar sem farið var yfir nýjungar í úðakerfum og þá umgjörð sem hönnuðir þurfa að vinna í. Tókst fundurinn mjög vel og var mjög vel sóttur.

Dagskrá ársins er eftirfarandi:

29. janúar Morgunverðarfundur fundarefni: Brunar ársins

26. febrúar Morgunverðarfundur fundarefni: Óákveðið

26. mars Morgunverðarfundur fundarefni: Óákveðið

9. maí Brunaþing/Aðalfundur:

Það er von stjórnar að félagar muni halda áfram sækja morgunarverðarfundina af sama krafti og áður enda eru þeir kjarninn í okkar starfi.

Formaður BTÍ

Kristján Vilhelm Rúriksson

Morgunfundur BTÍ verður í sal Verkís að Ofanleiti 2, miðvikudaginn 4. nóvember kl. 8:00-10:00.

Kjeld Østergaard frá Vetrotech verður hér á vegum Íspan og heldur fyrirlestur fyrir Brunatæknifélagið um eldvarnargler og fleira tengt því.

Dagskráin er á þessa leið:

• Vetrotech
• Fire Resistant Glass
• No smoke – no risk – no panic
• Rules EN-norms
• System partners
• Vetrotech Protect Glass
• Attack
• Bullet
• Blast

Kaffi er í boði Verkíss.

Þátttaka er ókeypis og öllum opin.

Myndin er af vef Vetrotech.com

Brunatæknifélagið efnir til kynningar á brunahönnun nýbyggingar Ölgerðarinnar og síðan verður farið í skoðunarferð um bygginguna. Ef til vill verður svo gerð smá gæðakönnun á framleiðslunni.

Böðvar Tómasson hjá Eflu sá um brunahönnun byggingarinnar og mun hann stjórna kynningunni.

Í tilefni þess að Brunatæknifélag Íslands varð 20 ára á dögunum er ráðgert að gera sér dagamun 9. júní næstkomandi.

Fyrirhugað er að hefja dagskrá kl 16:00 við Sundahöfn. Þar er stigið upp í rútu sem mun aka með okkur milli merkra staða í sögu brunamála á höfuðborgarsvæðinu, um leið og við hlýðum á fyrirlestra og horfum á glærur.

Að rútuferð lokinni verður stigið um borð í Viðeyjarferju sem ferjar okkur út í Viðey, en þar munum við njóta hátíðarkvöldverðar og hátíðardagskrár. Þess má geta að félagið var stofnað í Viðey fyrir rúmlega 20 árum.

BTÍ mun niðurgreiða aðgangseyri rausnalega og verður hann því aðeins kr 5.000,- á mannin. Innifalið er rútuferð, Viðeyjarferjan (fram og til baka J) og kvöldverður.

Til að þetta geti gengið upp þurfum við lágmarksfjölda þátttakenda. Því biðjum við þau sem ætla að taka þátt að láta okkur vita á póstfang mailto:bis@verkis.is.is fyrir kl 12:00 mánudaginn 6. júní n.k.

Vonumst til að sjá ykkur sem flest.