Dr. Haukur Ingason um öryggismál í jarðgöngum

admin

Brunatæknifélagið býður til morgunfundar mánudaginn 31. október 2016 kl. 8.

Dr. Haukur Ingason heldur fyrirlestur um öryggismál í jarðgöngum.

Efni fundarins er: Rannsóknir á jarðgangabrunum í Noregi og nýjar tilraunir með sjálfvirka sprinklera í jarðgöngum.

 

Haukur Ingason hefur starfað við brunarannsóknir í Svíþjóð síðan 1988 og hefur í áratugi sérhæft sig við rannsóknir á brunum í jarðgöngum. Hann starfar við rannsóknarstofnun sænska ríkisins í Boras (SP) og er í hlutastarfi sem prófessor við Lundarháskóla. Haukur hefur skrifað yfir 130 vísindagreinar sem tengjast efninu og hefur starfað í ýmsum nefndum bæði á Norðurlöndum og alþjóðlega (NFPA, PIARC og ITA-COSUF). Haukur er talinn vera einn af fremstu sérfræðingum á þessu sviði í heiminum.

Nýlega hefur Haukur framkvæmt tilraunir í jarðgöngum með vatnsúðakerfi sem hafa vakið mikla athygli. Þessar tilraunir koma til með að breyta hugsunarhættinum hvað varðar sjálvirk slökkvikerfi í jarðgöngum.

Haukur hefur einnig unnið að rannsóknarverkefnum fyrir Norsku „Haverikommissionina“ og mun kynna niðurstöður frá nokkrum brunum sem hafa orðið nýlega í norskum jarðgöngum. 

 

Fundurinn verður í matsal EFLU verkfræðistofu á Höfðabakka 9.

Fundurinn er öllum opinn og aðgangur ókeypis. Kaffi verður í boði Eflu.

Stjórn Brunatæknifélagsins.

Morgunverðarfundur BTÍ

admin

Brunatæknifélag Íslands efnir til morgunverðarfundar miðvikudaginn 30. janúar 2013 kl. 8.00 á Icelandair Hotel Reykjavik Natura.

Fundarefnið verður: Brunar ársins 2012, Gróðureldar og Set.

Dagskrá:

  • Guðmundur Gunnarsson yfirverkfræðingur Mannvirkjastofnunar fer yfir tölfræði um brunatjón og segir frá nokkrum athyglisverðum brunum á nýliðnu ári.
  • Kristján Einarsson slökkvilðsstjóri Brunavarna Árnessýslu segir frá brunanum í plastverksmiðjunni Seti og fjallar um gróðurelda.
  • Umræður og fyrirspurnum svarað.

Reiknað er með að fundinum ljúki um kl. 10.00.

Fundarstjóri Óskar Þorsteinsson formaður BTÍ.

Enginn aðgangseyrir er að fundinum en ætlast er til að fundargestir kaupi sér morgunverð af morgunverðarhlaðborði hótelsins.

———————————————————————————————

Myndin er af gróðureldunum í Laugardal í Ísafjarðardjúpi í sumar. Mynd/Anton – af Visir.is

http://www.visir.is/faest-sveitarfelog-hafa-utbuid-vidbragdsaaetlun-vid-grodureldum/article/2012120929022

http://www.visir.is/tugmilljona-tjon-i-sudavik—kostar-hvern-ibua-um-100-thusund/article/2012120929162

http://www.bb.is/Pages/26?NewsID=177356

Brunatæknifélagið boðar til heimsóknar í olíubirgðastöðina í Örfirisey

admin

Brunatæknifélag Íslands boðar til heimsóknar í olíubirgðastöðina í Örfirisey.

Ferðin er áætluð miðvikudaginn 20. mars nk. kl. 16.00. Mæting við aðalhlið birgðastöðvarinnar.

Dagskrá heimsóknarinnar er á þá leið að Gestur Guðjónsson hjá Olíudreifingu mun taka á móti okkur og fræða okkur um öryggismál birgðastöðvarinnar, þá mun Örvar Aðalsteinsson hjá forvarnarsviði Slökkviliðs höfuðborgarsvæðisins segja okkur frá aðkomu forvarnarsviðsins að birgðastöðinni. Að lokum mun Gestur sýna okkur hluta af öryggisbúnaði á staðnum. Áætlað er að heimsókninni ljúki um 17.30.

Þeir sem ætla að mæta eru vinsamlegast beðnir um að senda svar á info@bti.is í síðasta lagi fyrir hádegi þriðjudaginn 19. mars.

Morgunverðarfundur BTÍ í sal Eflu

admin

Morgunverðarfundur BTÍ verður í sal Eflu að Höfðabakka 9 miðvikudaginn 22.apríl kl. 8.15.

Sean Ritchie er framkvæmdastjóri Fire Security Systems sem framleiðir og selur vörur til forvirkra brunavarna.

Sean er verkfræðingur og hefur starfað að forvirkum brunavörnum á annan áratug og veitt ráðgjöf og þjónustu til stórra viðskiptavina um allan heim auk þess að eiga gott samstarf við tryggingafélög og vottunaraðila.

Sean mun fjalla um arðbærni fyrirbyggjandi brunavarna og hvernig hægt er að ná þessum ávinningi með skilgreindum efnum, aðferðum og samskiptum.

Sean mun leggja sérstaka áherslu á lausnir sem snúa að vörnum á köplum og reynslu Fire Security af kapalvörnum í orkuvirkjum, stóriðju, olíuiðnaði og í stærri skipum.

Kapalvarnir geta haft veruleg áhrif á áhættumat tryggingafélaga en erlend tryggingafélög gera mörg hver kröfu um brunavarnir kapla þegar bjóða á rekstrar rekstrartryggingar. Sean mun fara yfir dæmi um bæði varnir, bruna og áhrif brunavarna á leiðni kapla og rekstrarvirkni kapla við bruna og þar með öryggi mannvirkja.

 

Eldhugar ehf eru samstarfsaðilar Fire Security Systems á Íslandi og kemur hann til Íslands í boði fyrirtækisins.

 

Fyrirlesturinn verður á ensku og heitir á frummálinu „The Feasibility of Preventive Fire Protection and how to get the reward“ og hefst kl. 8.15.

——————————————–

Rjúkandi morgunbrauð verður í boði Eldhuga frá kl. 8.00. Kaffið í boði Eflu.

 

Brunatæknifélagið efnir til morgunverðarfundar

– fimmtudaginn 28. nóvember 2013 kl. 8:00

– á Icelandair Hotel Reykjavik Natura – Víkingasal 5.

Efni fundarins er: *Bruni í skipum – Frásögn af reynslu SHS við brunann í Fernöndu þann 1. nóvember 2013*

Jón Viðar Matthíasson slökkviliðsstjóri segir frá slökkvistarfinu.

admin

Brunatæknifélag Íslands efnir til morgunverðarfundar

– fimmtudaginn 28. nóvember 2013 kl. 8:00

– á Icelandair Hotel Reykjavik Natura – Víkingasal 5.

Fundarefnið verður:

Bruni í skipum – Frásögn af reynslu SHS við brunann í Fernöndu þann 1. nóvember 2013

 

Skipsbrunar hafa verið óvenjulega tíðir á árinu 2013. Þess vegna er við hæfi að fjalla aðeins um þá.

Dagskrá fundarins:

  • Jón Viðar Matthíasson slökkviliðsstjóri mun fjalla um aðgerðir SHS þegar skipið Fernanda var dregið til hafnar í Hafnarfirði og baráttuna við eldinn í því.
  • Umræður og fyrirspurnum svarað.

Reiknað er með að fundinum ljúki um kl. 10:00.

Fundarstjóri er Kristján Vilhelm Rúriksson formaður BTÍ.

Enginn aðgangseyrir er að fundinum, en ætlast er til að fundargestir kaupi sér morgunverð af morgunverðarhlaðborði hótelsins.

Stjórn Brunatæknifélags Íslands.

(Ljósmynd af vef mbl.is, Júlíus Sigurjónsson)

Morgunverðarfundur BTÍ

admin

Morgunverðarfundur BTÍ var 22. apríl 2015 á Eflu verkfræðistofu.

Fundarefnið var „The Feasibility of Preventive Fire Protection and how to get the reward“

Sean Ritchie framkvæmdastjóri Fire Security Systems flutti kynningu á vegum Eldhuga ehf.

Nánari upplýsingar og kynningarefni af fundinum er að finna á heimasíðu Eldhuga ehf:

http://eldhugar.is/godur-gestur-hja-brunataeknifelaginu-3/

Upptaka af fundinum er hér: 

Hluti 4:

Hluti 5:

 

Brunaþing 2015 á Hótel Natura

admin

Brunaþing 2015 verður haldið föstudaginn 8. maí á Hótel Natura.

Þema þingsins er brunarannsóknir í víðu samhengi.

Dagskrá:

08:00  Mæting og skráning

08:30  Setning og kynning efnis

08:40  Guðmundur Gunnarsson yfirverkfr.: Aðkoma Mannvirkjastofnunar að brunarannsóknum

09:00  Sigurður Ingi Geirsson, Sjóvá: Aðkoma tryggingafélags að brunatjóni

09:20  Dr. Rory Hadden, fyrirlesari frá BRE Centre for Fire Safety Engineering, University of Edinburgh

10:05  Kaffi

10:30  Lúðvík Eiðsson, tæknideild Lögreglunnar: Brunarannsóknir á Íslandi

10:50  Dr. Jim Lygate, IFIC Forensics, Glasgow  (Fyrirlestur Jims verður fluttur um fjarfundarbúnað)

11:35  Pallborðsumræður og spurningar

12:00 Þingi slitið.

Þingstjóri er Anna Málfríður Jónsdóttir verkfræðingur hjá VSI.

Þingið er öllum opið. Þátttökugjald er kr. 3000 en frítt fyrir félagsmenn og styrktaraðila.

Ekki þarf að tilkynna þátttöku fyrirfram.

——–

Aðalfundur Brunatæknifélagsins verður haldinn í framhaldi af þinginu. Hádegisverður er fyrir félagsmenn í boði BTÍ.

Morgunvfundur BTÍ verður í sal Verkís að Ofanleiti 2, miðvikudaginn 4. nóvember kl. 8:00-10:00.

Kjeld Østergaard frá Vetrotech verður hér á vegum Íspan og heldur fyrirlestur um eldvarnargler.

admin

Morgunfundur BTÍ verður í sal Verkís að Ofanleiti 2, miðvikudaginn 4. nóvember kl. 8:00-10:00.

Kjeld Østergaard frá Vetrotech verður hér á vegum Íspan og heldur fyrirlestur fyrir Brunatæknifélagið um eldvarnargler og fleira tengt því.

Dagskráin er á þessa leið:

  • Vetrotech
  • Fire Resistant Glass
  • No smoke – no risk – no panic
  • Rules EN-norms
  • System partners
  • Vetrotech Protect Glass
  • Attack
  • Bullet
  • Blast

Kaffi er í boði Verkíss.

Þátttaka er ókeypis og öllum opin.

 

 

Myndin er af vef Vetrotech.com

Fyrir hönd stjórnar BTÍ þá vil ég fara stuttlega yfir starf BTÍ á þessu starfsári og kynna það sem er framundan hjá BTÍ.

Í haust kom stjórn BTÍ saman og skipti með sér verkum. Er hún skipuð eftirfarandi aðilum:

admin

Fyrir hönd stjórnar BTÍ þá vil ég fara stuttlega yfir starf BTÍ á þessu starfsári og kynna það sem er framundan hjá BTÍ.

Í haust kom stjórn BTÍ saman og skipti með sér verkum. Er hún skipuð eftirfarandi aðilum:

 

Árni Árnason, gjaldkeri

Ástvaldur Eiríksson, meðstjórnandi

Kristján Vilhelm Rúriksson, formaður

Óskar Þorsteinsson, meðstjórnandi

Pétur Pétursson, ritari

 

Stjórnin hefur staðið fyrir 3 atburðum sem eru:

Skoðunar- og fræðsluferð til Hveragerðis í október til að skoða Hamarshöllina sem hefur þá sérstöðu að uppblásið hús með burðarvirki úr lofti. Ferðin var vel heppnuð og var gaman að hlusta á kynningu um húsið sem og að skoða það.

Í nóvember var síðan morgunverðarfundur um skipsbruna en þar kom Jón Viðar Matthíasson, slökkviliðsstjóri hjá SHS, og kynnti slökkvistarf og annað því tengdu þegar slökkviliðsmenn SHS tóku þátt í slökkistarfi á skipinu Fernöndu. Var sá fundur vel sóttur enda umræðuefnið mjög áhugavert vegna tíðra skipsbruna á síðasta ári

Í byrjun janúar var morgunverðarfundur með fyrirlesurum frá Viking Sprinkler í Evrópu þar sem farið var yfir nýjungar í úðakerfum og þá umgjörð sem hönnuðir þurfa að vinna í. Tókst fundurinn mjög vel og var mjög vel sóttur.

 

Dagskrá ársins er eftirfarandi:

29. janúar Morgunverðarfundur fundarefni: Brunar ársins

26. febrúar Morgunverðarfundur fundarefni: Óákveðið

26. mars Morgunverðarfundur fundarefni: Óákveðið

9. maí Brunaþing/Aðalfundur:

 

Það er von stjórnar að félagar muni halda áfram sækja morgunarverðarfundina af sama krafti og áður enda eru þeir kjarninn í okkar starfi.

 

Formaður BTÍ

Kristján Vilhelm Rúriksson