Fundur um drög að nýrri byggingarreglugerð verður miðvikudaginn 19. október 2011 kl. 8:00 að Hótel Loftleiðum.

Drögin hafa verið send út og fengið umsagnir hjá ýmsum aðilum og eru nú í endurvinnslu. Farið verður yfir stöðu málsins og afstaða umsagnaraðila könnuð.

Frummælendur verða:

Björn Karlsson forstjóri Mannvirkjastofnunar

Bjarni Kjartansson forstöðumaður Eldvarnaeftirlits hjá Slökkviliði höfuðborgarsvæðisins og

Gunnar H. Kristjánsson brunaverkfræðingur hjá VSI.

Á morgunverðarfundinum verður rætt um brunavarnarákvæði í drögum að nýrri byggingarreglugerð sem væntanlega verður gefin út á næstunni, en þessi drög eru búin að vera í smíðum síðustu misseri. Hægt er að nálgast drögin á heimasíðu Mannvirkjastofnunar www.mvs.is og skoða þau þar. Tilefni þess að Brunatæknifélagið sér ástæðu til að taka heilan morgunverðarfund í umfjöllun um þessi drög er að kaflinn um brunavarnir hefur valdið mörgum þeirra verulegum vonbrigðum sem þurfa að notast við þessa reglugerð í störfum sínum. Það virðist vera að sá tími og það vinnuframlag sem Mannvirkjastofnun ætlaði í þennan kafla reglugerðarinnar hafi verið of skammur og vinnuframlagið of lítið.

Stjórn BTÍ telur að nauðsynlegt sé að kaflinn verði endurskoðaður og jafnvel endurskrifaður og það þarf að ætla í það verkefni bæði meiri tíma og vinnuframlag. Til þess að reglugerðin verði nothæfari, og fleiri sjónarmið komist að teljum við líka nauðsynlegt að fleiri aðilar komi að samningunni en embættismenn Mannvirkjastofnunar. Við vonum að sem flestir mæti á morgunverðarfundinn og tjái sig um þetta málefni.

Mikilvægt er að fá fram sjónarmið þeirra sem eiga eftir að starfa eftir þessari reglugerð um ókomin ár áður en hún verður gefin út. Reynslan sýnir að mjög erfitt og svifaseint er að breyta slíku regluverki eftirá og mistök geta haft afdrifaríkar afleiðingar.

Fundur um INSTA 950 brunahönnunarstaðalinn var haldinn á Hótel Natura í samvinnu við Mannvirkjastofnun

* Arngrímur Blöndahl hjá Staðlaráði Íslands fjallaði almennt um staðla

* Johan Norén frá Briab Brand & Riskingenjörerna AB fjallar um INSTA 950 brunahönnunarstaðinn

Hér á eftir eru upptökur af fundinum:

>

Brunatæknifélag Íslands boðar til morgunverðarfundar miðvikudaginn 25. janúar 2012.

Fundurinn verður haldinn á icelandair Hotel Reykjavík Natura (Hótel Loftleiðum) og hefst kl. 8:00 með morgunverði.

Yfirskrift fundarins er:

Yfirlit yfir bruna ársins 2011 og „áhugaverðir brunar“.

Fundarefni:

• Yfirlit yfir bruna síðasta árs. Guðmundur Gunnarsson yfirverkfræðingur Mannvirkjastofnunar fer yfir það helsta sem gerðist á árinu, skoðar tjónatölur og ber saman við síðustu ár.

• Bruninn í Eden í Hveragerði 22. júlí. Pétur Pétursson varaslökkviliðsstjóri Brunavarna Árnessýslu segir frá brunanum í Eden.

• Fyrirspurnum svarað.

Enginn aðgangseyrir er að fundinum en fundarmenn kaupa sér morgunverð af hlaðborði á kr. 1.850,-

Stjórn BTÍ.

(Myndin er af mbl.is / Jón Ingi Jónsson)

Brunatæknifélag Íslands boðar til morgunverðarfundar FIMMTUDAGINN 1. mars 2012.

Fundurinn verður haldinn á icelandair Hotel Reykjavík Natura (Hótel Loftleiðum) og hefst kl. 8:00 með morgunverði.

Yfirskrift fundarins er: Mjúkhús – Hamarshöllin í Hveragerði.

Fundarefni:

• Inga Hersteinsdóttir, verkfræðingur hjá VSI, fer yfir brunatæknilega hönnun Hamarshallarinnar sem er fyrsta bygging sinnar tegundar á Íslandi sem borin er uppi af lofti en ekki hefðbundnu burðarvirki.
• Ari Guðmundsson, verkfræðingur hjá Verkís, fer yfir hönnun annarra verkfræðilegra þátta s.s. ákvörðun vindálags og stöðugleikaútreikinga, styrkleika í yfirbyggingu, hljóðvistar, lagnakerfa s.s. blásara hússins, upphitun og loftræsingu ásamt rafkerfi s.s. lýsingu og brunaviðvörunarkerfis.
• Fyrirspurnir

Enginn aðgangseyrir er að fundinum en fundarmenn kaupa sér morgunverð af hlaðborði á kr. 1.850,-

Vakin er athygli á því að fundurinn er á fimmtudag en ekki miðvikudag.

Stjórn BTÍ.

Brunatæknifélag Íslands efnir til morgunverðarfundar miðvikudaginn 14. nóvember 2012 kl. 8.00 á Icelandair Hotel Reykjavik Natura.

Fundarefnið verður: Eigið eldvarnareftirlit í fyrirtækjum og stofnunum. Staða málaflokksins, framtíðarhorfur og reynsla notenda.

Samkvæmt lögum og reglugerðum eiga forráðamenn fyrirtækja og stofnana að stunda eigið eldvarnareftirlit í þeim mannvirkjum sem þeir bera ábyrgð á.

Afar rólega hefur gengið að koma þessu mikilvæga máli á koppinn víðast hvar. Á þessum fundi verður leitast við að skoða stöðu þessara mála eins og þau líta út í dag og framtíðarhorfur.

Dagskrá fundarins:

• Garðar Guðjónsson fulltrúi Eldvarnarbandalagsins segir frá fyrirætlunum þess og framtíðaráformum. Eldvarnarbandalagið er samstarfsvettvangur um auknar eldvarnir og samanstendur af ýmsum hagsmunaaðilum þ.á.m. Mannvirkjastofnun SHS og öllum helstu tryggingafélögum landsins.
• Örvar Aðalsteinsson frá Slökkviliði höfuðborgarsvæðisins segir frá starfi SHS í málaflokknum.
• Lúðvík B. Ögmundsson öryggisstjóri Landsnets segir frá reynslu þeirra af eigin eldvarnareftirliti
• Vilhjálmur Pálmason deildarstjóri hjá Háskóla Íslands segir frá þeirra reynslu.
• Umræður og fyrirspurnum svarað.

Reiknað er með að fundinum ljúki um kl. 10.00.

Fundarstjóri Óskar Þorsteinsson formaður BTÍ.

Enginn aðgangseyrir er að fundinum en ætlast er til að fundargestir kaupi sér morgunverð af morgunverðarhlaðborði hótelsins.

Stjórn Brunatæknifélags Íslands.

BRUNAVARNAÞING 2014

Mynd úr safni. sunnlenska.is/Guðmundur Karl

DAGSKRÁ

8:00       Setning þingsins og skipun þingstjóra – Kristján Vilhelm Rúriksson formaður BTÍ.

8:10       Landfræðilegur gagnagrunnur fyrir brunavarnir. – Björn Traustason, landfræðingur hjá Skógrækt ríkisins

8:30       Vinna stýrihóps um varnir gegn gróðurbrunum – Kristján Einarsson slökkviliðsstjóri hjá Brunavörnum Árnessýslu

8:50       Eldvarnir og skipulagning í gróðurlendi í Noregi og víðar – Dag Boten, slökkviliðsstjóri frá Noregi, fjallar um skipulag og reynslu m.t.t. eldvarna gagnvart gróðurbrunum

9:30       Kaffihlé

9:50       Frumvarp til laga um gróðurelda – Sigurbjörg Sæmundsdóttir, deildarstjóri hjá Umhverfis- og auðlindaráðuneytinu 

10:10     Viðbragðáætlanir í sumarhúsalöndum og öðru grónu landi. – Guðni Ingi Pálsson frá Mannvit, fjallar um verkefni sem unnið er að í Árnessýslu.

10:30     Tryggingar á sumarhúsasvæðum og í skógrækt – Karl Hjartason frá VÍS

10:50     Möguleikar á vatnstöku með borunum – Guðmundur Karl Guðjónsson, tæknifræðingur hjá Ræktunarsambandi Flóa og Skeiða

11:10     Kaffihlé

11:30     Sjónarmið sumarhúsaeigenda gagnvart gróðureldum og skipulagi – Sveinn Guðmundsson frá Landsambandi sumarhúsaeigenda

11:50     Sjónarmið sveitarstjórnamanna gagnavart gróðureldum og skipulagi – Pétur Ingi Haraldsson, skipulagsfulltrúi uppsveita Árnessýslu

12:10     Pallborðsumræður.

12:30     Brunaþingi slitið

————————–

Aðalfundur Brunatæknifélagsins verður haldinn að loknu Brunavarnaþingi. Hádegisverður er í boði félagsins fyrir félagsmenn BTÍ.